(NLTimes) – Despues di dos aña den disminucion, e cantidad di fraude cu compranan online reporta na Hulanda ta aumentando atrobe segun AD su articulo, basa riba cifranan di polis y organisacion den e sector Thuiswinkel.org. Den e prome 4 luna di e aña, polis a ricibi un reportahe di fraude di compra online cada 10 minuut.

E tipo di fraude aki tabata den su nivelnan mas halto durante e pandemia di coronavirus, cu un cantidad record di reportahe den aña 2021. Despues di esaki, e tipo di fraude aki a cuminsa disminui pa 2 aña te cu awo. Den e prome 4 luna di e aña aki, polis a ricibi 33,000 keho di e fraude aki, un aumento di casi 19 porciento compara cu e mesun periodo aña pasa. Un vocero di polis a conta AD cu un poco mas cu mita di e casonan ta involucra fraude riba tiendanan online of plataformanan manera Martkplaats.

Thuiswinkel.org a ripara un aumento den e cantidad di web shop, director Marlene ten Ham a conta e corant. “Specialmente websitenan cu ‘.com’ ta abusa e logo y nomber di webshopnan conoci.” Victimanan tambe ta perdiendo mas, un averahe di 350 euro pa cada victima segun Ten Ham. “Un aumento di mas di 20 porciento compara cu aña pasa.”

E forma mas comun di fraude cu compra online ta trata cumpra un producto y nunca ricibi esaki. Segun AD, fraude cu ticketnan pa concierto y weganan di futbol tambe ta birando mas comun. Tambe tabatin varios caso di persona cu ta book un cas di vakantie cu a resulta di ta completamente diferente na e potretnan of no ta existi mes.

Cifranan publica pa Statistics Netherlands luna pasa a demostra cu victimanan di fraude di compra online tabata menos probabel di reporta e crimen na polis den aña 2023 compara cu 2021. Mayoria a bisa cu nan no a bay polis pa motibo cu no tabatin sentido, nan no ta kere cu polis por yega na e sospechoso ni tampoco debolbe nan placa.

Sinembargo segun e vocero di polis cu a papia cu AD, esaki ta cambiando. Den añanan recien, e cantidad di caso di fraude di compra online den cual polis a identifica un sospechoso a bira mas cu 4 biaha e cantidad, di menos di 2 porciento te na casi 8 porciento. Esaki te ainda ta mas abao cu otro crimennan, sinembargo e ta mehorando constantemente.