Brasil, un di e paisnan cu mas a wordo castiga pa e pandemia Covid-19 na mundo, den ultimo 24 ora a registra 1.232 morto pa e enfermedad aki y den ultimo tres dia tabatin 1.200 morto pa dia, segun datonan publica pa gobierno diahuebs ultimo.
Di acuerdo cu un ultimo boletin di Ministerio di Salud, cu 1.232 morto y 56.873 nobo contagio den ultimo 24 ora, Brasil ta yega casi na 229.000 fayecido y 9,4 miyon caso desde cu pandemia a cuminsa.
Di acuerdo cu e boletin, e gigante Latino Americano ta acumula 9.396.293 contagio desde cu a registra e prome caso di enfermedad dia 26 di februari di 2020 y 228.895 morto desde e prome victima dia 12 di maart di aña pasa.
E datonan ta confirma Brasil como un di e epicentro na nivel mundial di e pandemia y como e segundo pais cu mas morto pa Covid-19 na mundo despues di Merca y di tres cu mas caso despues di e nacion Norte Americano y India.
E pais, cu ta enfrenta e segundo ola di e pandemia sin cu a wordo supera e prome, desde 25 di januari ta registra un promedio pa dia di mas di 1.000 morto pa dia, a acumula tres dia continuo e number mayor di victima riba 1.200.
E promedio di personanan morto den ultimo 14 dia a wordo ubica diahuebs ultimo cu 1.050 pa dia, cu un aumento di 7.80% compara cu e media di haci dos siman (794 morto 21 di januari) y un crecemento di 58.61% den comparacion cu un luna pasa (662 morto pa dia e 4 di januari).
E pais tambe tin registra tres dia continuo cu mas di 54.000 contagio pa dia, cu loke e promedio di casonan diahuebs ultimo a wordo ubica na 49.920 pa dia, loke ta ekivalente pa un aumento di 42.59% pa loke ta trata e media di haci un luna (35.010 contagio dia 4 di januari).
Di acuerdo cu ministerio, 8.3 miyon di persona cu a haya e enfermedad a wordo recupera, loke ta ekivalente pa 88.2% di e persona contagia, y 875.735 ta sigui bao observacion medico, cu ta representa 9.3%.
