Bataya entre militar na e capital di Libia a mata mas di 1.000 persona for di e momento cu e pelea a cuminsa na april ultimo. Un conflicto cu no por stop y ta parti di potencia regional.
Forsa leal di Khalifa Hifter, un veterano militar, a cuminsa un ofensa na Tripoli, anto esaki a avansa e tropanan na sur di ciudad y a topa cu militar cu ta conecta cu gobierno, conoci cu Merca.
Ehercito nacional di Hifter ta esun mas grandi y miho organisa cu cualkier otro grupo militar di e pais. Nan ta conta cu sosten di Egipto, Emirato Arabe Uni y Rusia. Sinembargo ta enfrenta un resistencia di combatiente alinea cu gobierno reconoci pa Merca, cual tambe ta conta cu yudansa di Qatar y Turkia.
Organisacion mundial di salud a bisa den un declaracion cu 1.048 persona a muri, 106 di nan ta civil. Ta bisa cu 5.558 persona ta herida, incluyendo 289 civil. Miles di inmigrante Africano ta captura pa forsa di Libia.
Un atake na un instalacion siman pasa a mata 50 persona, principalmente migrante cu tabata deteni na e sitio. Libia a bira un caos na 2011 despues di un accion cu a resulta den morto di e dictador gobernante Moammar Gadhafi. E pais a bira un punto importante pa transito di migrante cu ta huy for di guera y pobresa pa un bida miho na Europa.
Partido di Hifter ta bisa cu e ta unico lider cu por pone fin na gobierno militar, pa pone e pais hunto y evita cu esaki bira un refugio pa terorista. Su exito ta den kibra milicianan Islamico y otro grupo rebelde na Libia. Egipto y EAU ta mir’e manera un baluarte conta Musulman y otro gruponan Islamico.
