Mas di mil mucha refugiado a desaparece di centronan Hulandes

AMSTERDAM – Durante e ultimo 5 aña mas di mil mucha refugiado a desaparece di centronan Hulandes.

Parlamentonan a pidi pa un investigacion despues cu a sali na cla cu ma s di 1,00 mucha refugiado, cual mayoria ta adolescente a desaparece di e centronan di refugiado protegi na Hulanda entre 2013 y 2017.

E cifra ta bin di investigacion di e programa di radio Argos cual ta investigando e trafico di hoben refugiado particularmente di origen Vietnam, NRC a informa siman pasa. Den e ultimo 5 añanan alomenos 60 mucha di Vietnam a desaparece sin un lastro di e viviendanan protegi unda nan tabata biba pa motibo di e temornan cu nan ta core e riesgo di ser trafica , Agos a bisa.

“Nos ta papiado di muchanan extremadamente vunerabel”,parlamentario laborista Attje Kuiken a bisa.” Nos ta pidiendo accionnan tocante esaki durante añanan, mester tin un investigacion pa averigua kico ta pasando y e rednan di traficacion di hende”.

Cannabis e investigacion di Argos, un investigacion conhunto cu e periodico Britanico Observer, a bisa cu e funcionarionan ta tema cu e mayoria di nan ta termina den UK trahando riba plantacionnan di cannabis y salonnan di huña, Den un caso un mucha Vietnam di 17 aña di edad a logra busca ayudo di polis Britanico despues cu el a keda hiba e pais desde e centro di refugiado den zuid di Hulanda , Observer a bisa.

Observer a bisa cu e-mailnan interno di e agencia di refugiado Hulandes COA y polis ta mustra e alcance di e muchanan pa scapa di e refugionan protegi, di cual tin dos na Hulanda.

Tin biaha nan ta studia mapanan , haci cuchiu nan skerpi pa habri bentananan y interumpi alarmanan di candela, e periodico ta bisa. Explotacion Herman Bolhaar, e reportero di traficacion humano Hulandes tocante e trato di persona, el a bisa cu tin suficiente prueba cu e muchanan ta wordo exploita y cu e gobierno mester haci algo mas pa proteha y pa descubri kico a sosode.

NRC a bisa october ultimo cu 360 refugiado menor di edad a desaparece di e viviendanan protegi na 2017. E mayoria di e muchanan desaparecido ta procede di Afghanistan, Morocco, Algeria, Albania, Eritrea, Syria y Vietnam. Mas cu mita tabata bou di e edad di 16 aña.

Na fin di e decada 2000 mas di 100 mucha muhe di Nigeria a desaparece di e centro di refugiado Hulandes, varios di nan cu a ser haya den cas di prostituta Italiano.