Diahuebs mas di 90 prisonero di estado di Rio Grande di Norte, Brasil, a huy via un tunnel di mas di 30 meter di largura, autoridad di prizon a informa.
E prisoneronan a scapa di prison estatal di Parnamirim, na region metropolitano di Natal, diaranson marduga. Nan a conta cu apoyo di hopi auto durante nan huymento, secretaria di husticia y di ciudadania a splica.
Polis a logra captura como nuebe prizonero y ainda nan ta continua cu investigacion den e zona, pa asina logra gara e resto di prizonero cu a huy. E grupo di preso ta pertenece na mesun grupo criminal, informacion a confirma. E prizon ta na mesun lugar cu e prizon di Alcaçuz, e prison mas grandi di estado di Rio Grande di Norte, caminda cuminsamento di aña 2017 a tuma lugar un enfrentamento entre banda rival cu a laga 26 morto.
Cerca di 70 prisonero di Alcaçuz ta desapareci ainda, pa tal motibo e cantidad di victima por ta mucho mas eleva cu e cantidad conoci oficialmente pa autoriadadnan.
