(NLTimes) – Mayoria pashent di Long Covid di e prome ola di infeccion di coronavirus cu te ainda ta luchando cu sintomanan no ta apto pa traha un dia normal.
Agencia di beneficio UWV a declara 62 porciento completamente incapacita pa traha y otro 23 porciento ta ricibi beneficio pa causa di incapacidad parcial pa traha, AD a reporta.
Empleadonan cu tin mas di 2 aña malo y pa e motibo aki a traha menos of no a traha mes ta pasa door di un examinacion pa determina si nan ta cualifica pa un beneficio di deshabilidad. UWV a asesora 736 pashent di Long Covid, awo tambe yama post-Covid Syndrome te cu mey di e aña aki. Mas o menos 3 porciento di e beneficio di deshabilidad relaciona cu trabao e aña aki ta di Long Covid. Segun UWV, esaki ta demostra cu “kehonan di coronavirus di termino largo hopi biaha tin un impacto grandi den e bida di e pashentnan.”
Den 54 porciento di e resultadonan di e examinacion, UWV a conclui cu e persona no por traha acutalmente y cu nan tin derecho na ricibi un sosten completo. E empleadonan aki posiblemente por recupera den futuro y bolbe traha. Sinembargo actualmente, tin tiki conocemento scientifico tocante Long Covid. “Esaki ta nifica cu e ta hopi trempan pa bisa cu e deshabilidad ta permanente,” Herman Kroneman, un consehero medico na UWV a conta AD. “Hopi cliente no kier esaki tampoco, nan kier bay traha back. Nos lo kier mira nan logra esaki den futuro.”
