(NLTimes) – Mas di 5000 mayor cu ta biba na Amsterdma a entrega keho bisando cu nan ta victima di e gobierno su scandal di bijstand, segun alcalde Marjolein Moorman di Pobresa y Alivio di debe y Rutger Groot Wassink di Asuntonan social den un carta na e conseho di e ciudad cu a ser publica diaranson.
Den e scandal di bijstand, un grupo grandi di mayornan a ser eroneamente categorisa como personanan cu lo comete fraude pa e gobierno nacional y mayornan di descendencia etnico diverso tabata ser categorisa di e manera aki cu mas frecuencia. Como resultado di esaki, nan mester a bolbe paga e cantidad cu nan a ricibi den bijstand, perde nan cas of miranan relacionnan kibra. Den algun caso, e muchanan a ser saca for di e hogar. Den Amsterdam, mas o menos 35 famia a mira e situacino unda cu e mayornan victima a perde nan yiunan, cual ta un problema cu te ainda ta andando.
Na fin di aña 2020, a calcula cu tin aproximadamente 1,700 victima na Amsterdam. Na e momentonan aki, mas o menos 15 pa 20 mayor a registra na Amsterdam cada luna. Di e grupo di mayornan cu a reporta, mas di 3,000 a indica cu nan tin mester di ayudo. Ekiponan di bario for di e municipalidad lo provee asistencia na nan. E sosten aki ta di termino largo, y segun e alcaldenan, e “operacion di recuperacion” lo ta por lo menos pa henter nan termino te cu aña 2026.
Te ainda no ta conoci con hopi di nan lo ser reconoci como victima pa UHT, e organisacion cu a ser crea pa revisa casonan individual, e carta a splica. “Nos ta ricibi figuranan di UHT di e cantidad di mayornan na Amsterdam ken despues di revisa, no tabata victima. Esaki ta actualmente ta un grupo chikito, pa motibo cu un gran cantidad di e mayornan te ainda ta den e proceso of ta wardando pa esaki cuminsa.”
