(EFE) – Por lo menos 114.576 hende muhe ta eherce prostitucion na Spaña, 80% di nan ta core riesgo di traficacion pa explotacion sexual y 7.8% ta core riesgo halto di traficacion, asina minister di Igualdad, Ana Redondo a informa.

Ayera diamars, den rueda di prensa despues di Conseho di Minister, e titular di Igualdad a presenta e prome resultadonan di e ‘Macroestudio riba traficacion, explotacion sexual y prostitucion di hende muhe: un enfoke cuantitativo’, prepara pa e Delegacion di Gobierno contra Violencia di Genero.

Redondo a splica cu di e mas cu 114.500 hende muhe den prostitucion detecta, 80% por ta na riesgo di traficacion pa explotacion sexual (92.496) y 7.8% na riesgo haltuo (por lo menos 9.000).

E Macroestudio, cu pa prome biaha ta ser haci na na Spaña y Europa, a analisa mas cu 645.000 propaganda di prostitucion publica riba Internet y a conclui cu 0.56% di hende muhe riba 18 aña di edad den e pais aki ta den contexto di prostitucion.

Pa evalua e riesgo y riesgo halto di traficacion, a tene cuenta cu elementonan manera novedad, disponibilidad, rasgo di personalidad, potretnan inclui den propaganda y “servicionan cu ta ser propaganda”, Redondo a bisa.

E cantidad promedio di hende muhe na Spaña den prostitucion of trafico pa explotasion sexual ta 56 hende muhe pa cada 10.000. Islanan Balear (121 pa cada 10.000), Cataluña (103), Comunidad Valenciano (73) y Cantabria (73) ta presenta e tasanan mas halto di hende muhe den e contexto aki.

Den cifranan absoluto, e macro-estudio a detecta un cantidad mas grandi di hende muhe den un situashon di prostitucion na Cataluña (34.759, 30%), Madrid (20.549, casi 18%), Comunitad Valenciano (16.314, 14%) y Andalucia (9.023 , casi 8%).

E origen principal di e muhenan aki ta Latino America (51%), 16% ta Europeo y den 29% di caso e origen ta desconoci.

Pa nacionalidad, esun mas grandi ta Colombiano (28,3%), sigui pa Spaño (13,5%), Brasilero (4,98%) y Venezolano (4,86%).

Pa loke ta trata edad, 28% di hende muhe den prostitucion ta entre 18 y 24 aña di edad; 32%, di 25 pa 36; 7%, di 37 pa 45; 1.6%, di 46 pa 55 aña; y 0.26%, riba 56 aña.

Ademas di e datonan aki, e macro-estudio ta revela e consentracion di hende muhe den prostitucion propaganda bou di e mesun number di telefon: 363 hende muhe a ser detecta bou di e mesun number, un “figura spantoso” den palabranan di e minister, y otro cifranan ta asocia hasta 100 hende muhe.

E titular di Igualdad a declara cu e estudio aki ta pone “e spiel dilanti di e realidad teribel aki den nos pais”. Den e sentido aki, el a sigura cu Conseho di Minister lo aproba den e di dos tanda e ley integral contra traficacion prome cu fin di aña, cu lo tin “medidanan mas profundo y directo” pa alivia e situacion aki.