Mas di un miyon di mucha ta mustra afecta pa dos horcan cu a yega e pais den menos di dos luna. Asina agencia di mucha di Nacionnan Uni ta informa. Mayoria di mucha ta sin cuminda of refugio.
Isabella Mussa no a pone ningun pia na un scol of lesa un buki durante un siman. Pa e muchanan di 13 aña cu ta afecta pa horcan mortal na Mozambique, sinembargo, Isabella ta un di esunnan cu tin suerte.
Algun a wak nan mayor morto of disparce den e inundacion cu a sigui despues di tormenta. Pero Isabella, cu awo ta refugia na e ciudad di Pemba, ta bisa e no ta sinti e tin suerte. “Mi kier bay scol, mi ta haya falta di mi amigonan y docente”, el a bisa un reportero.
No ta cla ki tempo e por bay bek cas of scol, e cas di e famia ta destrui. Muchanan di edad di Isabella ta yuda famia pa prepara nan cas of recupera propiedad. Un buki ta e prome cos cu el a coy ora el a haya oportunidad di bay su cas.
“Nos no ta lesando, solamente nos ta hunga tur dia. Mi lo ta feliz bek ora awasero stop y mi por bay bek scol”, Isabella a bisa, hunto cu su ruman di 8 aña, Divan.
Pa prome biaha, dos horcan den un solo temporada a asota e pais. Horcan Kenneth a mata 41 persona, ta provocando colega y grupo di yudansa ta para pa yuda miyones di persona afecta pa tormenta. E mayoria di grupo afecta ta mucha segun vocero di Unicef, Daniel Timme.
“E muchanan tin refugio aki, nan tin suerte. Tin algun parti di provincia cu tin mucha cu ta trapa, y nos mester yega na nan pa duna cuminda, awa limpi y refugio. E ta urgente, e ta importante pa mucha no bira malo, y pa nos evita colera, manera na centro di Mozambique”, el a bisa.
