Despues di e reunion riba e Codigo Civil diahuebs tabatin hopi comentario tambe cu awor ta importante pa actua contra abuso di mucha.
Den e nota di cambio pa cu e Codigo tambe a pone pa bin cu un instancia central registro di abuso di mucha na Aruba. Parlamento a aproba esaki y Bureau Sostenemi awor ta e punto oficial aki. Gobierno ta bisa cu ta spera tambe cu prome cu e ceramento di aña 2016 por yega na un codigo di meld nacional. Y den e presupuesto di 2017 nan a aloca 1.4 miyon florin extra pa e lucha contra abuso di mucha.
E suma aki ta destina pa personal profesional den e ramo di abuso di menor. Ta trata di personal manera psicologo y trahadonan social cu ta apoya e cadena di cuido y proteccion di nos muchanan.
Unda tur e placa exacto ta bay no ta conoci te awor. Investigacion a saca afo cu entre otro instancianan social cu ta enfoca riba cuido di mucha pero tambe polis (Jeugd en Zeden) mester mas placa pa asina por combati e abuso miho.
