(Infobae) – Concejal di Bogota, Diego Cancino diasabra ultimo a anuncia cu mas di 67.700 ciudadano a firma un peticion cu ta busca un reforma integral di Polis di Nacional cu e fin di fortalece su legitimidad y fomenta confiansa den e poblacion civil.
E concejal di Alianza Berde ta un di e promotor di e iniciativa aki cu ta busca dignifica e servicio di forsa publico y consolida su naturalesa civil, e cual a tuma un protagonismo importante den mey di manifestacionnan social di e welga nacional cu a denuncia centenares di caso di represion policial.
Segun organisacion defensor di derechonan humano, Temblores ONG, durante mas di dos luna y mey a registra 4.852 caso di violencia policial na e pais, den cual 44 tabata caso di violencia homicida cometi presuntamente pa miembronan di forsa publico y 1.661 tabata victima di violencia fisico di parti di miembronan di Polis.
Na mesun momento, a reporta 90 victima di agresion den su wowonan, 228 bala di arma di candela di parti di miembronan di institucion, 35 victima di violencia sexual di parti di forsa publico y 2.053 detencion arbitrario den contra di manifestantenan.
“67.700 ciudadano a firma nos peticion pa exigi un Reforma pa lo tin como resultado un polis Nacional cu lo respeta y cuida bida. Nos ta sigui dilanti recogiendo firmanan den cayanan y tambe proposicionnan. Na unda nos ta topa despues?, a indica Cancino cu a adelanta e jornada di recoleccion na Plasa di las Americas y na Parke Nacional.
E iniciativa aki ta contempla propone un reforma, construi a traves di un dialogo ciudadano, cu lo contribui pa elimina violencia y criminalidad policial, a traves di cambionan structural, modificacion den ambito profesional, trabou externo y eliminando doctrina como esun di enemigo y algun incentivo “perverso” den contra di e ciudadanonan.
