(NLTimes)—Hendenan na Hulanda no ta haciendo suficiente ehercicio pa mehora nan condicion di salud. Casi 47% di e populacion ta participa den un nivel suficiente di actividad fisico, di cual muchanan di 4 pa 11 aña ta e grupo mas activo, segun un estudio di 8.442 persona conduci pa e instituto di salud publico Hulandes RIVM na 2021.
E estudio a descubri cu hobennan entre 12 cu 17 aña di edad, personanan cu educacion y salario abou, esnan cu descendencia no-Oeste y personanan cu ta bibando den areanan urbano tin menos chens pa haci suficiente ehercicio.
E actividad mas popular na Hulanda ta fitness, coremento, futbol, canamento, tennis y ciclismo, cu yoga mas popular entre hende muhenan. Muchanan ta gasta un averahe di 14.5 ora pa siman hungando pafo, cual ta parti entre casi 8 ora den nan tempo liber y 6 ora na scol. E figuranan aki a keda stabiel pa varios aña.
E gobierno ta purba aumenta e porcentahe di e populacion cu ta haci suficiente ehercicio pa 75% pa 2040, pero falta hopi pa por yega na e meta aki. Desde 2022, e porcentahe a keda cambia entre 40% y 50%. Casi 53% di hende a haci suficiente ehercicio na 2022, y 49% e aña prome.
Gobierno ta avisa adultonan pa haci ehercicio “na un nivel intensivo modera” pa al menos 2.5 ora pa siman, por ehempel door di canamento of ciclismo. Muchanan mester haci esaki pa al menos 1 ora pa dia. Tambe a avisa pa hende participa den actividadnan cu ta fortalece nan musculonan y wesonan dos pa tres biaha pa siman, por ehempel via weightlifting, subi trapi of baliamento. Hendenan tambe mester evita di sinta pa periodonan largo.
E recomendacionnan aki lo yuda reduci presion riba e sistema di cuido di salud den plaso largo.
