Awe mainta tempran un grupo di trahado di e proyecto Traimerdia a dicidi di cuminsa un accion di protesta, ya cu nan promocion y tin otro grupo di trahado cu nan wardando riba nan landsbesluit, ya cu nan ta pega pa añanan largo. E trahadonan afilia na sindicato SEPPA, aunke nan ta mustra un grupo chikito di alrededor di 30 trahado, nan impacto ta grandi. Ya cu nan ta traha den casi 9 centro di Traimerdia rond di Aruba dunando atencion y ayudo na un cantidad di 1000 mucha, na momento cu nan ta caba scol traimerdia. Nan ta muchanan cu nan mayornan tambe ta traha.
E trahadonan ta wardando un contesta positivo prome cu nan ta bay traha prome cu merdia. Pues si nan no ta haya e contesta aki, nan ta evaluando pa e accion aki sigui hunto cu nan sindicato. Den caso asina eventualmente e muchanan no por bay na nan centro di Traimerdia, te ora e situacion ta wordo soluciona. Nan di cu awor ta den man di nan superior pa busca pronto un solucion positivo. Nan no kier perhudica ni e muchanan ya cu nan ta stima nan muchanan, tampoco nan no kier afecta e mayornan di e muchanan, pero nan ta haya cu despues cu nan a manda varios carta pa haya un solucion a yega e momento pa bisa, basta!. E trahadonan no ta move for di dilanti di oficina principal di Traimerdia situa den ex- edificio di Codemsa te ora cu nan ta haya contesta ki dia nan promocion y landsbesluit ta bin cla.
