(AP) – Un encuesta ta mira cu un cantidad den aumento di adultonan Mericano ta duda cu president di 81 ana Joe Biden tin e memoria y claridad pa e trabao, conviertiendo su speech nacional, State of the Union, un tipo di audicion pa un di dos termino.
Mas o menos 6 den cada 10 ta bisa cu nan no tin hopi confiansa, of no tin esaki mes, den Biden su capacidad mental pa efectivamente fungi como president, segun e encuesta nobo di The Associated Press-NORC Center for Public Affairs Research. Esaki ta un aumento chikito for di januari 2022, ora cu mas o menos mita di e personanan cu a participa den e encuesta a expresa preocupacionnan similar.
Cu e mesun cifranan, casi 6 den cada 10 tambe ta bisa cu nan ta falta confiansa den e capacidad mental di e ex president Donald Trump, e rival di 77 aña di Biden.
Pa hopi di e votadornan, e aña aki su eleccion ta parce manera un lucha pa e trabao mas duro di mundo entre dos hende homber cu a surpasa caba e edad di retiro. E proximo president lo probablemente mester maneha conflictonan global, drecha emergencianan domestico y traha cu un Congreso desfuncional. Biden ta hopi probabel di atende e desafionan aki y mas den su speech di State of the Union riba diahuebs mientras e ta purba convence Mericanonan cu ta merece un otro termino.
Drenta un evento grandi, solamente 38 porciento di adultonan Mericano ta aproba di con Biden ta manehando su trabao como president, mientras 61 porciento no ta aproba esaki. Democratanan, 74 porciento, ta hopi mas probabel cu independientenan (20 porciento) y Republicanonan (6 porciento) di acepta su resultadonan. Sinembargo, tin un malcontento amplio den e manera con Biden ta tratando un variedad di problema incluyendo e economia, inmigracion y politica di exterior.
Mas o menos 4 den cada 10 Mericano ta aproba e manera cu Biden ta lidiando cu e problemanan manera cuido di salud, cambio di clima, politica di aborto y conflicto entre Rusia y Ucrania. Pero hendenan ta menos satisfecho cu e manera cu e ta lidiando cu inmigracion, e conflicto entre Israel y Palestina y e economia, tur cual ta hopi probabel di ser menciona den un sesion conhunto den Congreso.
Casi 6 di 10 Mericano ta pensa cu e economia nacional ta pio di e manera cu prome cu Biden a drenta den mando na aña 2021. Solamente 3 den cada 10 adulto ta bisa cu e ta miho bao su liderazgo. Tin hende si cu ta mas optimista tocante e estado di nan propio cuenta di banco, cu 54 porciento bisando cu nan finanzas personal ta bon.
E president ta enfrentando presion agrega a causa di su edad despues di descripcionnan no hopi optimista di su persona den un reportahe di consul special, cu no a recomenda un persecucion criminal pa Biden a causa di mal maneho di recordnan clasifica, al contrario di Trump ken a ser acusa formalmente pa mantene material clasifica den su cas na Florida. E reportahe a bisa cu Biden su memoria tin “limitacionnan significante.”
Biden a purba alivia e preocupacionnan pa medio di haci chiste tocante su edad y referi na Trump su cualidadnan. Sinembargo, e president su edad ta un factor cu a kita merito for di su politica su logro den infrastructura, fabricacion y atende cambio di clima.
