(NLTimes)—Un total di 326 activista di clima a ser deteni diasabra atardi durante e blokeo di Extinction Rebellion riba e caretera A10 cerca di e VUMC hospital na Amsterdam. Di esnan presente, 31 hende a ser deteni pa causa e blokeo y trece trafico den peliger.
Activista di clima di Extinction Rebellion (XR) a blokia e caretera A10 na Amsterdam pa e segundo biaha diasabra merdia, cerca di e oficina di ING na Amsterdam-Zuid. E activistanan a demanda pa ING stop tur financiamento y servicio pa e industria di combustibel di fossiel. E Triangulo di Amsterdam (alcalde, polis y OM) a considera e accion extremamente peligroso y a prohibi esaki.
Segun e vocero pa XR Ley de Jong, aña pasa tabata “e aña mas cayente cu a yega di midi, nos ta varios desaster ambiental tras di otro. Asina mes ING ta mantene su politica di combustibel fossiel. Desde e Paris Climate Agreement na 2015, cual ING a bisa nan ta apoya, e banco a contribui na e crisis ambiental y ecologico cu casi 60 miyon euro den financiamento fossiel. P’esey nos no tin opcion,” el a bisa den e comunicado di e grupo di activismo.
E 31 activista a blokia A10 West cu cuatro vehiculo riba e salida A106, dos salida prome cu e area di accion cerca di e “Poenschoen,” manera e activistanan ta yama e oficina di ING. Varios activista di XR a bin cu bicicleta y bom di huma na e area riba salida S108. Pa motibonan di seguridad riba trafico, polis a bisa cu nan no tabatin mas opcion cu cera e caminda.
E 295 detenido cu a resta a ser tuma den costudia y kita for di e caretera. E ultimo grupo aki a ser transporta den bus cu normalmente ta ser uza pa transportacion publico. Nan a ser hiba na Amsterdam-Noord na e club deportivo Only Friends. Eynan, nan a ser libera despues, segun un vocero pa polis.
Sinembargo, e otro 31 activista ainda ta den costudia. E investigacion contra nan ainda ta andando, e vocero a bisa. Ademas, e cuatro auto- y bicicletanan cu a ser uza a ser confisca, como tambe lijm, cement y tentnan.
