(Dutchnews.nl) – Un total di 202.740 dosis di vacuna a ser posponi debi na e decision di gobierno di suspende e hangua di AstraZeneca durante dos siman.
E ministro di Salud interino, Hugo de Jonge, a bisa cu e decision a keda tuma como un “precaucion” despues di un brote di informenan di personanan cu a desaroya trombosis poco despues di ricibi e vacuna. Ainda no a establece ningun vinculo casual.
Ton de Boer, presidente di e Conseho di Medicamento, a bisa: “Tabatin informenan di enfermedadnan grave, 4 na Noruega y dos na Dinamarca, pero no ta cla si nan ta relaciona cu e vacuna”. E suspension ta significa cu e personanan di edad entre 60 y 64 aña y esunnan cu obesidad, sindroma di Down, den e provincianan di Flevoland, Gelderland y Utrecht, lo tin cu spera mas tempo pa vacuna.
Algun trahadonan di salud y personanan cu ta biba y traha den institucionnan di cuidado tambe ta mustra afecta. Dinamarca, Noruega a suspende e uso di e vacuna diahuebs ultimo, pa hiba a cabo mas investigacionnan.
Un persona na Dinamarca a muri despues di sufri coagulo di sanger. E afeccion ta un forma straño di trombosis combina cu trombocitopenia of nivelnan anormalmente abao di plakket den e sanger, cu por causa coagulacion.
E patentnan involucra ta menornan di 50 aña. Desde cu nan a wordo haci publico e informenan di Dinamarca y Norway siman pasa, 10 persona a ser presenta Reino informando sintomanan similar, segun Lareb, e agencia cu ta investiga e efectonan secundario di e medicamentonan.
