(DutchNews)—Aña pasa polis y concehalnan a suministra 53.000 boet na ciclistanan cu ta core cu telefon den man, cual tabata un aumento di 16% compara cu 2021, segun figuranan di ministerio di husticia.
E ministerio a describi e aumento “notabel”. Ciclistanan gara cu telefon den man mientras cu nan ta core riba caminda por haya boet di 140 euro. Den total, 8.1 miyon boet a wordo suministra pa motociclistanan y ciclistanan pa strobacion di trafico. Esaki tabata un tiki mas hopi cu e figura na 2021. Casi tur (6.5 miyon) tabata boet pa core cu velocidad halto, pero esey tabata menos cu na 2021, segun e figuranan ta mustra. E sitio na cual a suministra mas boet tabata riba e caretera A29 riba e Haringvlietbrug bayendo zuid. Den total, camaranan di velocidad a graba 45.619 ofensa di velocidad riba caminda, cual actualmente ta 50km pa ora pa via di construccion riba caminda.
