Banda di WEB otro companianan a sufri di atake cibernetico den e dianan aki. Entre otro Setar y Hospital.
No ta conoci si ta trata di e mesun virus Zero Day exploit cu a afecta e sistema di automatisacion di WEB diadomingo pasa. Clientenan di Setar si por a sinta efectonan den comienso di siman y ainda tin kehonan cu e conexion no ta ‘up to speed’ ainda.
E atakenan cibernetico ta algo cu companianan na Aruba ta indica ta birando mas y mas frecuente. Siman pasa Camara di Comercio a dedica su evento anual na e topico aki. Nan a invita specialista Hulandes Rickey Gevers pa papia riba e importancia di tuma medida di siguridad.
Un desaroyo popular tambe ta cu virus sea hackers tambe por drenta mas y mas via celular pero tambe camaranan di siguridad.
