(NLTimes) – Adultonan Hulandes cu ADHD a usa medicamento cu mas frecuencia den aña 2022. Segun data for di Dutch Foundation for Pharmaceutical Statistics (SFK), e cantidad di usuario cu 18 aña di edad bay ariba a aumenta cu 13 porciento compara cu e aña anterior, un aumento di 154,000 te na 174,000 persona.
Entre muchanan y teenager, un uso chikito den medicamento a ser observa. Esaki ta mas tanto a causa di un aumento den usuarionan di un medicamento specifico, lisdexamfetamine. E uso di e medicamentonan mas comun manera methylphenidate y dexamphetamine a permanece stabiel entre menornan.
Hobennan usualmente ta usa medicamento pa ADHD cu hopi mas frecuencia compara cu e adultonan. SFK no a provee un motibo pa e aumento entre adultonan, mirando cu e organisacion ta enfoca mas tanto riba data so.
Actualmente, lisdexamfetamine ta e medicamento menos usa sinembargo e dosis ta den aumento na e averahe di porcentahe mas halto. Entre adultonan, e cantidad di usuarionan a aumenta cu mas di un tercer parti te na 15,000 y entre muchanan, e aumento tabata di 23 porciento yegando 8,700. E gastonan tambe a aumenta significantemente cu casi 15 porciento.
