ORANJESTAD – October ta conoci pa ta e luna di conscientisacion di Breast Cancer. Hopi di nos por tin experiencia cu e malesa aki den un manera of otro, perdiendo un ser keri of pasando aden awo mes.
E ta bon pa semper ta consciente di esaki y evita pa e pasa, haciendo chekeo anual di nos pecho of recomendando un otro haci esaki. P’esey Mary Joan Foundation hunto cu Garage Cordia (video) kier uni full Aruba hunto y trece conscientisacion na luna aki den forma di nan “Breast Cancer Awareness Walk” dia 1 di november, saliendo fe Garage Cordia.
Pa 5or lo tin un warm up pa e canadonan, y despues lo sali pa e ruta di 5km. A pesar di e beneficio nan cu canamento tin pa nos, Tropical Bottling company lo duna cada persona cu participa un serbete ros chikito y nan boter di awa pa combati na e calor. Inscripcion ta tuma luga na Garage Cordia, Ibisa of Mary Joan Foundation mes y bo lo ricibi bo T-shirt ros.
