Marlon Croes DOW: ‘Ta trahando pa trece cambio y ekipo necesario’

Director di DOW a duna un splicacion pa locual ta falta di material y algun trabou cu departamento tin cu haci, ilustracion cu tin truck den mal estado y con lo traha pa 2020 tin cambio riba e puntonan aki.

Marlon Croes a bisa cu aña 2019 tabata uno intensivo, unda cu ekipo di organisacion di DOW a haci ‘hopi trabou’. Sinembargo tin algun diferente punto cu ta haya debil y un di nan ta e parti di uniform, cu mester zorg pa tur aña duna nan empleado.

E ta splica cu aña pasa tabatin un destaho publico, a destrui e uniform y tabatin keho di e material di e uniform. A base di esey a dicidi di tene e destaho basa riba un miho calidad di material cu nan lo bisti.

Nan a pidi proveedonan di Aruba pa duna un muestra y a combersa cu diferente afdeling, por ehempel riolering, si ta prefera manga largo, pa cuida bestraling di solo. Si e mester ta dry fit of no.

Croes ta comparti cu esey ta discusion cu ta tumando luga pa finalisa cu e criterio di exigencia, pa asina ehecuta e plan. Pa transcurso di 2020 nan por haya nan uniform, cu ta pa sigui duna servicio.

E ta amplia tocante ekipo, cambio y desaroyo cu DOW ta pasando. Croes ta bisa cu ekipo den departamento tin 15 pa 20 aña. A pidi e afdeling pa traha un plan pa tur ekipo y material cu tin cu busca pa actualisa.

Pa busca un ekipo ta lease pa 5 aña pa asina haci uzo; na final e ta bira di nan. “Esey ta e punto cu ta discuti cu coleganan. Minister a wak si ta haya e inversion pa cumpra ekipo. E ora por sali mas barata y no afecta nos begroting pa 5 aña.”

Sinembargo Croes ta bisa cu nan tin mantencion riba nan mashin. Si nan tin mas edad, tin mas riesgo cu nan ta bira debil, e riesgo por ta cu por kibra of tin un daño, un riesgo cu ‘ta purba di minimalisa constantemente’.

Nan tabatin otro reunion riba parti financiero, pa credito pa prepara nan ekipo prome cu fin di aña. Pa asina den temporada di carnaval nan por traha sigur. “Nos ta trahando riba mantencion di ekipo cu nos tin, pero tambe mester adkiri ekipo nobo.”

Tambe e ta splica cu DOW ta cumpli 90 aña y tin colega di edad avansa. Nan a yega na nivel cu no tin perspectiva pa sigui crece. Tin di nan colega cu tin 10 of 15 aña prome cu nan bay cu pensioen y esey ta demotiva otro colega. Departamento di recurso humando ta haciendo lo necesario pa wak con por haci, of ki direccion pa bay, pa asina duna oportunidad na otro y combina e funcion. “Tin otro manera pa yuda nan sigui crece.”

E reglamento cu Aruba ta duna como fase di organisacion ta studia e materia cu ta pas miho pa nan organisacion ora cu bin cu cambio sindicato, DRH y minister pa realisa cambionan asina.