Facebook CEO Mark Zuckerberg a cabi haya su yiu muhe cu yama Max, y den su honor e ta dunando un percentage di su placa. E leader di Facebook a anuncia e nacimento di su prome yiu muhe y e formacion di e “Chan Zuckerburg Intiative” cu e ta bisa lo bay uni cu hende rond di mundo pa avansa e potencial di hende y promove derecho pa tur mucha di mundo.E anuncio a wordo scibi den un carta pa Zuckerburg y su casa, Priscilla Chan pa nan yiu muhe, bisando “Pa bo generacion pa biba den un miho mundo, tin hopi mas cu nos generacion por hasi pabo” Zuckerburg a scibi. “Awe ami y bo mama ta dedica pa pasa e resto di nos bida hasiendo tur cos posibel pa resolve e obstaculonan aki di mundo”
Segun Zuckerburg, E “Chan Zuckerburg Initiative” ta enfoca riba educa personalmente, cura malesanan, conecta hende, y crea comunidadnan mas fuerte.
Zuckerberg y Chan lo haci e donacion na e initiativa aki, dunando casi tur shares cu nan ta doño di dje na e causa aki.
“Nos lo duna 99% di nos Facebook shares, cu ta mas o menos $45 biyon, durante nos bida pa avansa e mision aki”, e la bisa. “Nos sa cu esaki ta un contribucion chikito compara cu tur e talento y fundacionnan ya trahando riba un causa asina aki” . “Pero nos kier haci locual ta posibel, y pa traha hunto cu esunnan yudando cu esaki caba.” Zuckerburg a finalisa di bisa.
