E barco di patruya Zr.Ms. Holland a sali for di Den Helder awe cu direccion Region Caribe. Defensa pa e motibo ey, despues di un par di luna, atrobe tin nan barco di patruya staciona den e region.
Zr.Ms. Holland segun ta spera lo yega 26 di mei, pa medio di su entrada ceremonial na Corsou. Durante su tempo den Region Caribe, e tripulacion ta dirigi su mes entre otro riba operacionnan contra di terorismo y contra banda di droga y arma. Forsa nan Arma ta duna substancia cu esaki na su tareanan constitucional. Tal como mantencion di e orden legal internacional. E operacionnan ta tuma luga den cooperacion cu partnernan strategico tal como Wardacosta Region Caribe y ‘Joint Interagency Task Force South’ Mericano.
Zr.Ms. Holland ta un embarcashon Oceanico di Patruya (Oceangoing Patrol Vessel -OPV) y e tin un helicopter maritimo NH90 a bordo.
Na fin di december aña pasa, e prome barco di patruya Zr.Ms. Groningen a bolbe bek Hulanda pa motibo di problemanan tecnico. Durante e periodo prome cu esey e tripulacion di e barco a intersepta entre otro miles di kilo di droga.
Defensa tin 4 barco di patruya di Clase Hulandes. Esakinan ta navenan flexibel pa ser uza pa vigilancia di nos Costa y awanan teritorial. Zr.Ms. Holland den cuminsamento di 2018 tabata barco di patruya den Region Caribe pa ultimo biaha.
