(AP) – Fanaticonan di Marilyn Monroe a gana un bataya pa preserva su marca na Los Angeles y ta un paso mas cerca na mira un estatua di e icono permanece na Palm Springs.
E cas na Los Angeles unda Monroe brevemente a biba y a fayece a ser declara un monumento historico cultural, unda Palm Springs su comision di plan su decision a aumenta chens cu e estatua yama “Forever Marilyn” lo keda na luga.
Los Angeles City Council a vota pa e designacion historico diaranson despues di un bataya largo tocante si e cas na e bario Tony Brentwood por keda derumba, Los Angeles Times a reporta.
E doñonan actual ta biba banda di e kies y tabata kier derumba e cas pa nan por expande nan estado. Sinembargo, e Conseho tabata unanime den salba esaki.
“No tin otro persona ni luga na e ciudad di Los Angeles cu ta mesun iconico cu Marilyn Monroe y su cas na Brentwood,” Traci Park, e area su representante pa e conseho a bisa prome cu e voto.
Monroe a cumpra e cas pa 75,000 dollar y a fayece aki algun luna despues dia 4 di augustus, for di un supuesto sobredosis. E doñonan actual, Brinah Milstein y Roy Bank, a cumpra e cas pa 8.35 miyon dollar y a obtene un permiso pa derumba esaki, sinembargo nan a encontra nan mes cu oposicion pa esaki. Nan a argumenta cu e cas a ser cambia asina hopi durante e añanan cu esaki no ta historico mas, y cu el a bira un strobamento pa e bario a causa di molester di turista.
E proceso cu a causa e designacion tabata “preferencial, contra e constitucion y planea,” Peter C. Sheridan, un abogado di Milstein y Bank a bisa den su declaracion na Associated Press.
