(AP) – Den un declaracion comparti cu The Associated Press y publica riba Tanaka su Instagram, Carey su bailarin ken a converti den su partner y director creativo a separa despues di 7 aña di relacion.
“Cu emocionnan mescla, mi ta comparti e actualisacion personal tocante mi separacion amigabel for di Mariah Carey despues di 7 aña extraordinario hunto,” el a publica. “Nos decision di sigui camindanan diferente ta mutuo y mientras nos ta nabega e camindanan separa aki, nos ta haci esaki cu un respet profundo y un sentido profundo di gratitud pa e tempo valioso cu nos a comparti. E recuerdonan cu nos a crea y e colaboracionnan artistico ta den mi curason pa semper.”
Tanaka y Carey a conoce otro durante Carey su tour The Adventures of Mimi, ora cu Tanaka a uni den aña 2006 como un bailarin extra. E cantante a confirma su relacion na The Associated Press na aña 2017. “Mi ta bay bisa ‘mi no gusta papia tocante mi bida personal.’ Paso esey ta loke mi tabata haci y semper e tabata funciona pami,” Carey a bisa esaki na e tempo. “Mi no ta sinti confortabel papiando tocante mi bida personal ni tampoco mi pareha no kier haci esaki.” Rumornan di nan separacion a cuminsa circula luna pasa, ora cu fanaticonan a ripara cu Tanaka no a participa den Carey su Merry Christmas One and All! Tour.
