(AP) — Algun di e canalnan mas chikito na Venecia practicamente a seca pa motibo di un racha di mareanan abao, frustrando tripulacionnan di barco y sorprendiendo turistanan.
E racha prolonga di mareanan abao ta vincula na un sistema di clima di presiona halto cu ta keda riba gran parti di Italia, segun expertonan ta bisa.
Ya cu e canalnan esencialmente ta sirbi como cayanan na un Venecia sin auto, e fenomeno den ultimo dianan a añadi na e retonan di bida diario den e ciudad laguna. Botonan di ambulance den algun caso mester a para mas leu di nan destinacion, forsando personal medico pa algun biaha carga stretchernan riba man door di distancianan largo ya cu nan barconan no por pasa door di canalnan reduci na un hilo di awa y sushedad.
Pa turistanan, ta nifica cu gondolanan no por a nabega algun vianan acuatico secundario cu ta core bao di e cantidad di brug pinturesco di Venecia.
Den mita di winter, presion atmosferico halto combina cu e ciclo lunar ta produci e nivelnan ultra-abao di awa durante e marea baho, segun Jane Da Mosto, un cientifico ambiental y analista di desaroyo sostenible cu We Are Here Venice, un grupo defensor di medio ambiente.
El a agrega cu e fenomeno ta resalta e falta di atencion na e necesidad urgente pa haci limpi e red di canal interno di Venecia.
Nabegacion a continua riba e vianan acuatico principal, mas amplio, incluyendo e canalnan Grand y Giudecca.
Apart, e mesun sistema di presion halto empeora pa tiki smelt di sneeuw Alpino e aña aki ta un factor den e reduccion di lago y riu den nort Italia den simannan recien. E luna aki, un isthmus vinculando e costanan di Lake Garda na islanan chikito a re-emerge, encantando bishitantenan kende por a, en efecto, cana door di mita di e lago.
