Riba prome instancia y supervisa e por parce cu e accionnan di Presidente Trump ta uno completamente impulsivo y sin strategia. Esaki siguramente no ta e caso. Nos lo wak den e articulo aki, cu tur su accionnan geopolitico ta uno cu un strategia di largo plaso.
Den varios reportahe di banconan di inversion grandi e nomber cu a wordo duna pa esaki yama e “Mar-a-Lago Accord”. door cu President Trump su accionnan ta uno cu tin influencia profundo pa no solamente Estados Unidos pero pa full mundo y como resultado siguramente pa Aruba tambe, nos lo explora e handboek geopolitico di President Trump.
Nos lo pensa cu Trump su strategia di introduci tarifanan riba importacion contra casi henter mundo y tambe su accionnan den e escena di guera na Ucrania ta uno completamente impulsivo. Esaki siguramente no ta e caso.
Vision Strategico di Stephen Miran & Scott Bessent
Henter e vision di Estados Unidos su strategia geopolitico na e momento aki a wordo designa door di e consehero economico principal di Presidente Trump, esta Stephen Miran. Den su essay “‘A user’s guide to restructuring the global trading system”, ta di e opinion cu e balor di e Dollar Americano ta demasiado halto, door di su status como e de facto reserva di mundo henter. Segun Stephen Miran, esaki a causa cu casi no tin produccion local mas na Merca di productonan y cu tin un desbalansa grandi den Merca su ‘trade account balance’.
E fundeshi intelectual aki di Stephen Miran, a wordo amplia door di awor Treasury Secretary Scott Bessent. Unda ta parti mundo den “diferente zona”, esta berde, geel y cora. Paisnan “berde”, ta pensa di ta vriendelijk y completamente alinea cu Estados Unidos, “geel” ta paisnan cu mester wordo ‘motiva’ pa haci loke Merca kier geopoliticamente, pensa manera Union Europeo, paisnan “cora” manera China cu Rusia, ta wordo considera rivalnan directo y lo haya e tarifanan y presion geopolitico di mas halto.
Con por “Bully” Mundo? Cu Tarifa & Seguridad
E hermentnan mas grandi cu Merca tin na su disponibilidad ta su mesun economia cual ta esun mas grandi di mundo henter, y su presencia militar cual ta esun mas poderoso mundialmente. Awo den e prome fase di e plan aki, President Trump ta introduci tarifanan di importacion, tambe ta recalibra su presencia militar global. Den caso militar, e enfoke pa proteccion di Hapon, y laga completamente Europa un banda. Esaki siguramente no ta accidental, e combinacion di tarifanan y recalibracion militar ta pa “bully” mundo den e direccion cu Estados Unidos lo desea. Pero e ora e pregunta grandi ta bin, kico ta e meta final di tur esaki?
E Meta Strategico: Refinancia Merca su Debe cu 100-Jarig Staatsobligaties
E meta final strategico na fin di tur esaki ta pa basicamente forsa paisnan den zona berde y zona geel pa refinancia e debe di Estados Unidos door di cumpra zero-coupon 100-Jarig Staatsobligaties di Merca. Den ruil pa esaki, lo baha of kita tur e tarifanan cu a wordo introduci na paisnan cu “werk mee” y lo duna promesanan/garantianan di proteccion militar na e paisnan aki tambe. Segun Stephen Miran y Scott Bessent, esaki lo garantisa Estados Unidos riba un plazo ultra-largo, strategico y lo mara tur pais na e doelnan geopolitico cu Estados Unidos lo desea.
Consecuencianan Profundo: Balor Real di Monedanan pa Cai Severamente
Siguramente tur esaki lo tin consecuencianan masha profundo economico & geopolitico. Na prome lugar e taya/nivel di interes mundialmente lo baha masha hopi mes. Esaki lo probablemente baha e balor real (ahusta pa inflacion) di e US Dollar y indirectamente hopi otro moneda, severamente.
Riba nivel geopolitico nos lo wak un mundo parti den dos machtsblokken, esta esunnan cu e cumpra e 100-jarig staatsobligaties di Merca y ta cay bou su proteccion militar y tur otro pais den zona cora cu no kier participa na esaki.
Cu e columna aki kier mustra, cu con “destructivo & random” tur accionnan di President Trump ta parce riba plazo inmediato. Tur su accionnan ta segun un plan strategico hopi amplio y siguramente hopi planifica. E refinanciamento di Merca su Debe den 100-jarig Staatsobligaties lo tin consecuencianan profundo y hopi severo. Aruba tin cu prepara adecuadamente pa esaki.
