(NLTimes) – Manifestantenan di Extinction Rebellion a ocupa e replica di e barco VOC na Amsterdam den becindario di e MAritime Museum den e capital Hulandes diahuebs mainta. Nan a colga un poster cu ta bisa “Zwarte Piet ta racismo, libera di colonialismo” riba e barco.
Segun Extinction Rebellion, cual usualmente ta enfoca riba e clima, e protesta aki tabata un den e serie di campanjanan anti-Zwarte Piet di Kick Out Zwarte Piet tambe conoci como KOZP. E manifestantenan cu usualmente ta boga pa problemanan di clima a demostra “solidaridad den e lucha contra racismo.”
“Racismo y colonialismo ta ambos e causanan principal pa hopi di e crisis ecologico y di clima,” e vocero a declara. “Husticia na e clima ta posibel solamente si nos tribi di nombra y combati racismo, colonialismo y tur otro sistema dañino den nos sociedad.”
“E Maritime Museum su barco ta e base di nos pasado colonialista, cual ta e motibo dicon nos a scoge e luga aki,” un di e manifestantenan cu a ocupa e barco a conta Het PArool. “Ora cu e director a pidi nos pa bay for di e barco, nos a haci esaki. Nos no a bin pa causa dano ni bay cu e barco, nos a bini pa manda un mensahe.”
E aña aki ta marca 10 aña desde cu KOZP a ser funda. E grupo di accion a lansa un desafio anti-Zwarte Piet, haciendo yamada na hendenan pa comete actonan chikito of grandi di resistencia contra e caricatura cu ta Zwarte Piet.
