Un manifestante a fayece pa impacto di bala den torax, mientras e tabata den un manifestacion na e ‘distribuidor’ Altamira di e autopista Francisco Fajardo, na e capital.
E victima a ser identifica pa alcalde Ramón Muchacho como Fabián Urbina, di 17 aña di edad. El a muri na clinica El Ávila. E menor di edad a resulta herida mientras funcionarionan di Guardia Nacional Bolivariano (GNB) tabata reprimi e mobilisacion opositor cu tabata avansando rumbo pa sede di Conseho Nacional Electoral (CNE).
E ekipo di El Nacional Web tabata informa varios ora prome cu e incidente cu e efectivonan tabata tira cu arma di candela riba e manifestantenan. A recolecta un cantidad di cartucho di bala na e sitio. A reporta varios herido di bala.
Ministerio Publico a informa cu Fiscalia no. 98 di area metropolitano di Caracas lo investiga morto di e adolescente.
