(AP) – Un protesta chikito di activistanan pro-Kurdo brevemente a forsa e suspension di un sesion plenario di Parlamento Europeo ayera.
E manifestantenan tabata den e area di bishitantenan di Parlamento na momento cu nan a desplega banderanan sosteniendo lider rebelde Kurdo Abdullah Ocalan, kende ta den prison, y a cuminsa grita mientras e legisladornan tabata tene un debate riba asuntonan di clima y medio ambiente.
Lidernan parlamentario a pidi pa e manifestantenan bandona e lugar pero ora nan a nenga di haci esaki, a suspende e sesion.
Por a mira personal di seguridad ta purba di gara e bandera durante un lucha cortico. Ningun persona a resulta herida. A programa e sesion parlamentario pa continua ayera tardi.
Ocalan, kende ta fundador di e Partido di Trahador di Kurdistan, PKK, na 1978, a keda condena di traicion na Turkia y ta den prison desde 1999.
