14grupo preocupa (NW) (2).jpg

Ayera nochi un grupo di ciudadano bisti na preto a yega hunto dilanti Parlamento di Aruba pa mustra nan preocupacion cu e situacion di criminalidad na Aruba.

 

E grupo tabata consisti di mas o menos 20 hende. Nan ta indica cu a scoge pa bisti na preto indicando cu Aruba ta di luto pa loke a sosode ayera na Wayaca. Segun un di e manifestante Ricardo Croes na Bon Dia Aruba, e protesta cu nan a haci no tin nada di haber cu politica. Loke cu nan tabata haci ta simplemente mustra nan preocupacion y disgusta pa cu e situacion di criminalidad cu ta birando pio. Nan a dicidi di yega dilanti Parlamento pasobra pa nan a bira di mas con e situacion di criminalidad ta birando, specialmente cu awo den oranan di mainta hende ta wordo atraca.

 

E grupo di ciudadano tabata tin un borchi ‘Stop cu violencia.’ Tambe nan ta puntra ken lo ta siguiente cu lo wordo atraca of por perde nan bida. Polis tambe a presenta na e sitio pa papia cu e grupo y pa mira cu nada no bay for di man. E grupo tabata consisti di mas o menos 20 hende.