Ayera mainta a tuma luga apertura di simposio organisa pa Ministerio di Salud caminda tur area y stakeholders cu ta atende cu problema di salud mental y adiccion, tabata presente. Durante e simposio a duna informacion y comparti cu tur area di e plan di gobierno pa proximo 2 aña den gobernacion.

Minister Dangui Oduber (MEP) a comparti importancia di tene un simposio asina pa mustra

nan vision, cual ta e maneho y kico tur lo desea pa wordo ehecuta pa e siguiente dos aña cu

falta den gobernacion.

“Nos a institui un Fact-team, nos a haci uzo di fondo di social crisisplan, nos a sostene colega

Minister di Asunto Social pa pone fondo pa atende cu muchanan y hoben cu problema mental

of adiccion”, Oduber a duna di conoce.

Segun e mandatario, esey ta prome biaha, despues di 20 aña, cu a cuminsa haci e trabou pa e

uzo di substancia prohibi pa por haya informacion y data. Cu e data cu nan obtene, lo yuda pa

ehecuta e maneho. ‘Sin data ta dificil pa sa e gravedad di e situacion afo’.

Nan sa cu e problema di adiccion ta grave, pa e motibo aki ta haya pa trece informacion pa

medio di investigacion cu lo termina na maart 2020, caminda nan lo presenta na comunidad y

prensa pa tur hende ta consciente di e problema.

A pone un fondo disponibel pa e programa ‘Be Smart’ cu ta programa di FADA pa bay tur

scol y comunidad pa informa tocante consecuencia di mucha cu ta bira adicto sea na droga,

alcohol, gaming y tur adiccion ‘un programa exitoso’.

Tambe Oduber a comparti tocante e inversion den e opleiding pa aumenta profesionalismo di

tur trahado den area. A institui un comision di indicacion cu ta evalua tur caso individual pa

persona cu ta wordo yuda na Aruba, Curaçao of Colombia.

E comision lo bishita tur instancia pa asina por mira e cuido cu ta wordo duna, con e ta yuda

e persona cu tin e problema mental. Pa wak con nan ta rehabilita y tambe importante pa nan

mehora cuido di tur persona cu tin problema mental y adiccion. Unda cu cuido por ta accesibel

y pagabel. Tambe un calidad halto.

“Nos ta bezig cu Fundacion Maneho Adicto Ambulante pa un Hunta di Supervision nobo, un

Director pa maneha e compleho. Nos lo inverti den infrastructura pa programa nobo pa tur esunnan cu tin problema pa wordo atendi na Aruba of esunnan cu ta mas grave cu mester atendi afo, pero pa ofrece e ayudo necesario”, Oduber a expresa.

Oduber a splica cu tin persona cu experiencia, bon y den trabou noble cu ta traha den area cu

‘no ta esun di mas facil’. Sinembargo e ta un problema cu ta famia y sociedad. Un deber cu

tur cu atende sea fundacion, ministerio y stakeholders.

Un maneho integral di salud mental y adiccion. E lo ta un organo integral cu lo atende cu tur

fundacion caminda un persona cu ta den risico por acerca pa meld. “Eynan e ta centralisa pa

momento cu e tin problema e sa unda pa meld. Despues lo instrui pa unda e tin cu bay.

Tambe den un omgeving unda cu e ta sinti na cas pa por yuda reintegra den comunidad.”