(EFE) – Eleccion di mañan na Brazil lo dicidi e futuro relacion di e pais cu Latino America y e mundo unda dos modelo opuesto ta wordo enfrenta: ultraiskierda di Jair Bolsonaro y “iskierda ros” di Luiz Inacio Lula da Silva.
E diferencia entre e gobernantenan cu ta aspira e reeleccion y e mandatario cu ta pretende bin back na poder tambe ta refleha den e politica exterior di e pais, cu a wordo guia durante ultimo cuater aña pa un agenda ultra -conservador y awor ta enfrenta un ola progresista cu a tuma espacionan back den Latino America.
Pero e panorama ey por cambia. Tur encuesta ta considera Lula como faborito, cu un intencion di voto cerca di 45%, compara cu 30% cu Bolsonaro lo por haya.
Lula mester obtene mas di 50% di e votonan pa gana den e prome buelta, y den caso contrario, e dos candidato cu mas voto lo mester bay un segundo buelta e dia 30 di october.
Ora Bolsonaro a cuminsa su mandato na 2019, el a alinea Brazil cu e Merca di Donald Trump, pero na 2021 a tuma distancia, ora Joe Biden a asumi como presidente y pa e cual su victoria a wordo reconoci pa Bolsonaro un luna despues di eleccionnan.
Tambe, el a aleha di Union Europeo, cu ta protesta pa su politica agresivo pa Amazonia, te e punto cu e proceso di ratificacion di acuerdo cu bloki comunitario y Mercosur a anuncia na 2019 ta para, despues di dos decada di negociacionnan.
Asina mes a crea enfrentamento cu China y a mantene un participacion casi testimonial den e foro di BRICS, cu Brazil ta integra cu Rusia, India y Sur Africa.
Di su parti, Lula da Silva ta priminti cu Brazil lo bolbe biba den e bonansa di e prome decada di siglo 21, ora e tabata na poder, Lula ta plantia restaura e basenan di integracion Latino Americano.
