(AP) — Erling Haaland a anota dos biaha mientras Manchester City a derota Tottenham 2-0 riba diamars y a posiciona su mes un victoria leu di un record di cuatro titulo consecutivo den Premier League.
E triple campeon defensor ta bay e ronda final di wega diadomingo cu un bentaha di dos punto riba Arsenal cu ta na di dos lugar.
City ta ricibi West Ham, mientras Arsenal ta na cas contra Everton.
Haaland a inspira team di Pep Guardiola den minuut 51 na Tottenham Hotspur Stadium ora el a converti e pase di cerca di Kevin de Bruyne. El a anota su di dos gol for di spot di penalty den prome minuut di tempo extra, despues cu Pedro Porro a tira abao Jeremy Doku.
E victoria di City tambe ta nifica cu Aston Villa a sigura di cuatro lugar y clasificacion pa proximo temporada di Champions League dilanti di Tottenham, cu a keda na di cinco lugar.
