(AP) — Riba bispo di Aña Nobo 2022, superstrea Colombiano Maluma a despedi di su alter ego musical Papi Juancho, crea durante pandemia di coronavirus. “Tabata un placer”, el a skirbi riba Instagram. Despues el duna un pista di un era nobo: Don Juan, yegando 2023.
E espera a yega su fin. Diabierna, Maluma ta bay lansa su album tan anticipa, “Don Juan.”
E escogencia di e titulo ta ambos un referencia inteligente na e Lothario liderario di siglo 17 y un referencia na e nomber di nacemento di Maluma, Juan Luis Londoño Arias.
“Don Juan ta un parti di mi,” Maluma, 29, a bisa. “Claro, ‘Don Juan’ ta un personahe cu mi ta bin ta creando durante ultimo dos aña… pa e era di musica aki completamente nobo.”
Maluma tabata compositor riba e album, cual e ta describi como “hopi personal” – un reflexion di su raiznan musical, manera reggaeton, e zonido di su recordnan mas trempan – y “mas madura.”
E cantante pa largo a considera su mes como un eclectista di genero, inspira pa varios estilo di musica for di Latino America y mas leu. Den e cantica pop-norteño “Segun Quien,” e ta uni cu heroe di musica Mexicano, Carin Leon – directamente reflehando e exito den coriente principal di artistanan di musica regional Mexicano manera Peso Pluma, Eslabon Armado y Grupo Frontera.
Prome cu e pandemia, Maluma ta bisa, el a sinti cu corridos y musica banda tabata bay drenta mercado musical global. Pues el a yama escritor Edgar Barrera na 2018 y a bisa: “Mi mester diferente instrumental pasobra mi kier cuminsa skirbi cantica Mexicano, manera musica regional. El a bisa, ‘pakico? Ban sigui cu reggeaton’, y mi a bis’e, ‘bo ta bay wak!’”
Y awo e zonido ta tur caminda. “Mi ta asina contento cu esaki a sucede pasobra nos echt mester di dje den e industria,” el a bisa. “E saus Mexicano cu nos tabata falta den e bista global di musica Latino.”
Den hopi forma, “Don Juan” ta iguala e vision di Maluma riba musica Latino global – e ta usa salsa den “La Formula” cu Marc Anthony un momento, y musica reggeaton y house den “Diablo, Que Chimba,” un colaboracion cu rapper Puerto Ricano, Anuel AA.
E ultimo aki ta particularmente notorio pasobra e par tabatin un rivalidad cortico algun aña atras ora Anuel AA a canta “Nunca flow Maluma, siempre Real G” den e remix “Gan-Ga” di Bryant Myers na 2019. E letra ta implica cu Anuel AA tin un “flow real” y no un “flow Maluma” – un critica na e estilo accesible y briyante di e cantante. Bad Bunny hasta a tweet e letra.
“E ta un bon ser humano,” Maluma ta bisa di Anuel AA. “Y mi nunca a spera esey, pa ta honesto. E prome biaha cu mi a conoc’e, mi tabata manera, ‘Mi Dios, e ta un ***.’”
Pero unabes nan a cuminsa papia di musica y a ripara cu nan tin mas en comun, el a realisa cu Anuel “tin un gran curason.”
“Asina e colaboracion a cuminsa,” el a bisa. “E ta un personahe interesante cu nos tin den musica Latino, y realmente e no por stop loke e ta haci pasobra nos tin mester di e tipo di personahe asina den nos industria.”
Y entre Papi Juancho y su persona nobo Don Juan, Maluma sa algo di personahe.
