Diabierna merdia deurwaarder a wordo manda pa Cilo restaurant situa den Renaissance Market Place. E mall a manda abogado y tanto deurwaarder pa asina tuma tur inventario loke tin den e luga despues cu e doñonan Latino a cera e luga prome cu Pasco y bandona sin paga nan debe.
E trahadonan a keda sin trabou prome cu Pasco unda e comerciante Venezolano a informa e trahadonan cu no tin placa pa paga coriente y tin cu cera. Pero nunca mas a presenta na e mall y ni paga e debenan habri cu nan tin e espacio den e mall. Nan ta e propetarionan cu a wordo deteni na december 2016 pa ta indocumenta y ta haciendo negoshi, y a bin garanan cu supuesto documentonan cu no ta cuadra pa ta na Aruba. Mientras nan ta wordo busca nan no a bandona Aruba, debi cu varios agencianan ta buscandonan pa debenan habri di mercancia cu a wordo entrega na e luga. Awor e caso ta bou man di deurwaarder tur cos den e luga ta den confiscacion te ora cu nan bin haci e pagonan. E otro sosio cu a hinca placa y a wordo cori ta buscando un solucion pa haya e luga bek y duna tur esnan cu a keda sin trabou, pa nan haya trabou bek y start e luga bek di nobo bou un otro maneho.
