Malaysia a firma un acuerdo diaranson pa paga un compania Mericano di exploracion un suma di 70 miyon dollar si logra localisa e avion perdi di Malaysia Airlines MH370 dentro di 90 dia di bay den un buskeda nobo parti sur di e oceano Indian. E desaparicion di e avion den ruta di Kuala Lumpur pa Beijing na maart 2014, cu 239 pasahero, a bira e misterio di aviacion di mas grandi.
Australia, China y Malaysia a termina un buskeda cu a costa 200 miyon dollar, buscando den un area cu ta 120,000 km cuadra di grandura aña pasa den januari. A urgi e investigadornan pa extende e buskeda pa mas o menos 25,000 km cuadra den e area mas parti panort. E buskeda nobo lo inicia riba 17 di januari. E compania Ocean Infinity lo wordo paga 20 miyon si e avion wordo localisa dentro di 5,000 km cuadra, 30 miyon si e wordo localisa dentro di 10,000 km cuadra y 50 miyon si logra localisa e avion perdi den un area di 25,000 km cuadra. Mas leu cu e area aki, Ocean infinity lo ribi 70 miyon dollar.
Fuente: REUTERS
