Polis di Malasia a bisa cu famia di e mucha desapareci di Inglatera di 15 aña di edad, a identifica e curpa sunu haya na un resort den naturalesa, unda cu e mucha a disparce un siman pasa.
Polis a informa cu grupo di rescate a haya e curpa na un tereno di 2.5 kilometer di e eco-resort Dusun den sur di Negeri Sembilan, unda cu Nora Anne Quoirin a disparce dia 4 di augustus ultimo. A traslada e curpa via avion di hospital pa identifica y haci un autopsia.
E famia di Quoirin a yega dia 3 di augustus pa keda dos siman na Dusun, un resort chikito cu ta keda na un reserva di naturalesa como 63 kilometer sur di Kuala Lumpur. Polis ta kere cu e hoben, kende tabatin discapacidad fisico y di siñamento, a sali for di bentana habri den sala di e resort.
Nan a pone den lista di desaparecido, sinembargo a bisa cu investigacion ta inclui aspecto criminal. E famia di e hoben ta bisa cu e no ta un persona independiente y cu e no lo a bay su so un caminda, pero el a ser secuestra.
Un Patalogo lo realisa un autopsia pa determina e causa di morto. E co-Director Nacional di Polis, Mazlan Mansor a bisa den un conferencia di prensa cu e curpa ‘no tabatin paña’. Un boluntario registra den e team di rescate a haya e curpa den un area unda e rescatistanan a busca caba, pero no a splica pakico a tarda pa hay’e ni pakico nan no a mir’e e prome biaha.
Casi 350 persona ta involucra den operacion di buskeda. Polis di Irlanda, Francia y Inglatera tambe ta den e area pa yuda cu investigacion. E mama ta Irlandes, e tata Frances, pero ta bibando na London pa 20 aña caba.
Meabh Quoirin, e mama, a anuncia un recompensa di 11.900 dollar, donacion di un negoshi cu sede di Belfast, pa obtene informacion cu hiba na recuperacion di su yiu.
