ORANJESTAD – Autoridad di GKMB a bisa di ta monitor e situacion di vector di Malaria y cu e sangura ta riba lista di alerta na Aruba mirando cu tin epidemia na Venezuela. Malaria ta mata mas di mey miyon persona pa aña.
Cifranan
10 mil di 105.575 di e casonan registra den 2015 ta coresponde na muchanan menor di 10 aña, 88500 tabata e cantidad di casonan raporta na 2014.
Desde 1936, ora cu a cuminsa tene registro di epidemia, na Venezuela nunca mas tabatin mes tanto caso di malaria cu awo na 2015. E ultimo cifra registra di e cantidad di caso ta indica cu tin 105.757 persona contagia. Segun informacion di “Boletin Integral de Salud Ambiental, unda cu e minister encarga cu Salud na Venezuela. Na 2014 tabatin 88500 caso y na 2013 a raporta 76996.
E cifra acumula di 2015 ta exhibi un situacion di epidemia cu si e wordo compara cu 5 aña pasa, tin un aumento di 110%. “E riesgo ta cu e ta extende na cualkier area cu tin e larva, transmiti pa e sangura Anopheles cu ta wordo haya na mas di 85% di Venezuela, cu excepcion di e zona cu un haltura di mas di 800 meter. Un tempo nan tabata bisa cu Venezuela tabata un lama di malaria. Esey ta e magnitud di e problema, E medico Jose Feliz Oletta a adverti kende ta vocero di RedDefendamos la Epidemiologia Nacional.
E enfoke di e enfermedad cu tabata concentra den e ciudad di Bolivar a bay ta baha. Sinembargo na Bolivar ta concentra 79.82% di tur e casonan notifica cual ta representa 84418, y na Amazonas tin 13.57% di e populacion contagia, no obstante e ciudadnan Delta Amacuro, Monagas, Sucre, Apure, Zulia y Guarico tambe tin epidemia. Sr/ Oletta a indica cu segun un estudio cu el a haci na e Red, tur entidad a ricibi algun caso di malaria, cu a origina den e estado di Bolivar.
Segun Sr. Oletta ta kere, e problema ta situa den e Programa Nacional de Control de Malaria cual ta in eficiente. “Pa enfermedadnan manera esaki ta dedica menos cu 1% di e presupuesto di e minister encarga cu salud. Mester di un inversion di 20 miyon di dollar anual pa trata dengue, chikungunya y malaria.” Na 2014, aunke cu e poblacion den riesgo di contagia cu Malaria tabata 800 mil persona, e minister a admiti di a cumpra solamente 3000 muskitero, un di e hermentnan pa preveni e enfermedad.
Un informacion preocupante: Di e 105575 casonan, e Red a haya cu mas di 10 mil ta encera muchanan menor di 10 aña. “Nos tin riesgonan halto di complicacion y desaroyo di enfermedadnan mas grave,” Sr. Oletta a enfatisa.
Ciencia
Mientrastanto cientificonan di Universidad di Carolina a haci uzo do un material genetico revolucionario pa crea sangura cu no por plama malaria, subiendo e posibilidad cu e sanguranan crea por wordo laga den aire liber pa caba cu e racha di sangura cu ta mata mey miyon di persona tur aña.
Si e tecnica funciona den naturalesa mescos cu el a funciona den e laboratorio, lagando solamente algun mil sangura medicamente modifica pa broei cu sangura regular, dentro di algun luna e lo por produci un populacion henter di sangura cu no por transmiti e malesa aki na otro persona.
Causanan di malaria
Malaria ta causa pa parasito plasmodium. E parasito por wordo plama pa e ser humano door di pica di e sangura infecta. Tin diferente sorto di parasito plasmodium, pero solamente 5 tipo di malaria bou di e ser humano. E parasito ta wordo plama pa e sangura Anopheles.
Malaria por wordo plama p[a medio di transfusion di sanger por ehempel compartiendo hangua, pero esaki no ta comun.
