Algo despues di 3or atardi Aruba a cuminsa experencia mal tempo, cu strena y lamper asina pisa cu a saca un alerta pa no sali pafo si no ta necesario. No tabata mucho tempo despues cu hopi awa a cay. Hasta hendenan a mira hagel.
Cayanan na Playa tabata bou awa, strobando trafico. Parti Noord a keda sin coriente (te awor no tin indicacion si a keda resolve). E tormento a bin for di west y segun Meteo di Aruba despues di 4.30 e situacion mester cuminsa normalisa atrobe. Esaki a sosode.
