(EFE) – Miles di maestro tabata sigui protesta ayera na unda Federacion Colombiano di Educadornan (FECODE) a convoca na marchanan nobo contra proyecto di ley di educacion, cu ta den proceso na Senado.

Mediante un comunicado, e sindicato a aclaria e obhetivo di e marchanan na ciudad di Bogota, “Nos no por asumi riesgonan, awor mas cu nunca nos mester bira dobel e practica aproba, pa sink e proposicion di e ley, esey ta e meta, nos no tin otro opcion y nos no por pone den riesgo nos mes na e proyecto aki cu no tin ni pia ni cabes, pa lo ser aproba.”

Tambe a señala cu e reforma aki lo afecta gravemente e condicionnan laboral di e docentenan y calidad di sistema educativo na e pais. Maestronan ta sigui reuni na diferente punto di e ciudad y a ayera a marcha hasta e centro, na unda miles di persona a uni den un acto di protesta.

Sinembargo, un serie di actonan di vandalismo a registra durante dialuna ultimo, loke a resulta den un rechaso di autoridadnan di districtonan. Memey di disturbionan, un gestor di convivencia a sufri heridanan grave den man di individuonan arma cu cuchiunan.

FECODE ken ta un aliado importante di presidente Gustavo Petro, a enfatisa cu su protesta no ta dirigi contra Gobierno Nacional, sino contra e modificacion legislativa introduci den e proyecto di ley pa reforma educacion y e senadornan cu ta respalda e cambionan ey.

Federacion di docentenan a expresa nan mal contento pa e alteracionnan proponi, argumentando cu esey lo por afecta gravemente e calidad di educacion y condicionnan laboral di docentenan. FECODE a haci un yamada na legisladonan pa reconsidera e cambionan aki y asina traha hunto pa desaroya un reforma cu realmente lo beneficia sistema educativo y tur persona envolvi.

Diamars ultimo, e Comite Ehecutivo di FECODE a reuni cu minister di Interior, Luis Fernando Velasco , na ken a afirma “e necesidad urgente di sink e proposicion di e proyecto aki di educacion.”

E proyecto di ley aki ta representa un cambio importante den legislacion Colombiano pa motibo cu ta busca amplia educacion publico di cinco pa 15 aña, cu Constitucion ta establece, tres aña di scol preparatorio, y enseñansa universitario, asina actualisa e sistema educativo di e pais na standard internacional, cumpliendo un debe di mandatonan constitucional.

E hecho di declara educacion un derecho fundamental lo impedi welganan di maestronan, un medio usa frecuentemente pa FECODE pa presiona e diferente Gobiernonan.