Mediante un post riba rednan social, ayera un mama a publica cu e tabata desespera “moviendo shelo y tera” pa por haya su yiu Mady-Anne ken a disparce diaranson ultimo ora el a sali for di su cas den oranan di merdia pero ayera atardi mes su yiu tabata na cas back.
Den e post e mama di nomber Nana Vrolijk a expresa cu “Mady-Anne a sali for di cas ayera 1pm, for di merdia y a ser bisa cu ta na amiga e ta bay, MadyAnne No a yega cas ainda for di ayera y tampoco nos no sa nada di dje, telefon ta paga! Madyanne a sali ayera den un short blanco strepia preto cu un top ros y slof na pia! Pa esnan cu sa of tin mi yiu na nan cas sin sa cu e mayornan ta preocupa pa nan yiu y no tin 2 placa di sinti den nan cabes mi ta pidi boso cu tin e na cas manda mi yiu su cas paso ta cu polis lo mi bay sak’e afo si mi haya sa unda e ta! Y malo pa bo cu tine na cas sin puntra si su mayornan sa cu e ta caminda ke ta.”
Despues e mama a publica un potret di su yiu y bandi dje un otro potret di un hoben cu supuestamente ta cu su yiu Mady-Anne pero cu tampoco a yega su cas ainda.
“Como mama mi ta moviendo shelo y tera pa mi yiu yega su cas! Mi a bay na un tal adres y e mayornan a bisa mi cu si mi yiu tabata eynan pero 5or nan a bay y nan no sa unda nan a bay. Como mama con boso por acepta menor di edad na boso cas sin puntra si e mayornan sa unda nan yiu ta? Suppose nan ta na Angochi mi no sa cerca ken pasobra nunca mi yiu sa bay ni un caminda cu no ta band’i cas. E mama su yiu cu yama un tal Junior Eduardo cu tambe suppose no a yega cas ainda. Nan a wak nan na rumshop na PCH, nan a wak nan band’i veld sportboys! cual ta caminda na Angochi cu e tal Junior a bisa su mama e lo ta. Mi ta pidi un suplica na cualkier persona cu wak mi yiu of sa unda e ta want’e y yama polis pa bin busk’e, tin casi 3or di atardi cu ainda mi yiu no a yega cas.”
Igualmente, el a laga sa cu el a bay warda di Polis pero e bon noticia a yega minuutnan despues di e publicacion unda a expresa cu su yiu ya caba tabata na su cas.
