Diamars pasa, presidente Nicolas Maduro a ordena cu presidente y gerentenan di banco cu ta purba evita e retiro di placa cash lo bay ser deteni. “ Mi a duna e orden pa Ministro di Husticia Nestor Reverol, cu desde mañan lo ser deteni gerente o presidente di tur banco cu haci sabotahe”, presidente Maduro a bisa desde Miraflores, sede di gobierno na Venezuela.
Maduro a menasa cu detene e doño di banco “ si autoridad por detecta cu tin falta di cash den bancomatico o den e agencia directamente”, pasobra Caracas a reparti 350 miyon di ehemplar di biyete di 50 bolivar.
Asina mes Maduro a anuncia cu a yega Venezuela e segundo avion cu 11 miyon di biyete di 500 bolivar, cu ta pertenece na e composicion monetario nobo. Cu e medida nobo aki Maduro a afirma cu “ta garantisa e stabilidad di economia na Venezuela”.
