E deseo pa produci na Boneiro mes 50% di fruta y berdura cu ta come aki, ta birando realidad. Recientemente a pone e prome paso na LVV. Na LVV tin 12 kavel disponibel caminda nos cunukeronan por planta berdura y mata.
Resien a entrega e prome kavel na Bonaire Daily Fresh. Diputado Kroon, lider di proyecto di LVV Maurice Adriaens y director di directorado di Planificacion y Desaroyo tabata presente pa e prome entrega oficial di un kavel.
Bonaire Daily Fresh ta cultiva berdura haciendo uzo di ‘green house’ y ‘aquaponics’. Aquaponics ta un metodo caminda ta combina cultivo di pisca cu cultivo di berdura y mata.
Den e proximo 6 luna LVV ta traha hunto cu Entidad Publico Boneiro y WEB riba construccion y tumamento den uzo di e sistema nobo. Segun calculacion e ‘greenhouse’-nan y e sistema di aquaponics ta bay produci mas cu 12.400 kilo di berdura y 3000 kilo di pisca pa aña.
Segun Maurice Adriaens inicio di e proyecto aki ta un momento historico. Den e temporada binidero LVV Boneiro ta bay stimula mas di e tipo di proyectonan bunita aki.
