Luna probablemente no mester frustia. Frusto, un oxido di hero, ta rekeri tanto oxigeno como awa pa ocuri naturalmente, pues lo pensa cu Luna – un cuerpo celestial cu ta principalmente seco y completamente liber di oxigeno – no lo frustia en absoluto. Pero ta resulta cu si, y cientificonan ta purbando di compronde pakico.
Un estudio publica den Science Advances a tuma datonan di Organisacion di Investigacion Espacial Indio su Chandrayaan-1 orbiter, y a descubri cu e baranca na e polonan lunar tin un composicion diferente compara cu otro areanan di Luna. Despues di inspeccion mas cercano, Shuai Li, autor lider di e estudio, a descubri hematite, un oxido di hero comun – esencialmente, frusto.
El a tuma contacto cu cientificonan y Laboratorio di Propulsion di Jet di NASA pa confirma e hallazgo.
Pakico tin frusto actualmente riba Luna? Tin un cantidad di factor, pero Tera ta parcialmente culpabel.
Pa cuminsa, awa ta existi riba Luna den cantidad chikito. Tin ijs di awa den crater lunar, pero e awa ey ta existi na banda leu di Luna, leu di unda e frusto a tuma luga. E teoria actual ta cu particulanan di stof cu frecuentemente ta dal Luna ta yudando libera molecule di awa, mesclando esakinan cu hero riba e superficie.
Y tin e parti di oxigeno, unda Tera ta hunga un rol.
Danki na e hecho cu Luna ta existi asina cerca di Tera, e ta anfitrion na cantidad minusculo di oxigeno, biahando di atmosfera superior Terestre te na Luna. Li a haya cu e banda di Luna cu ta mira Tera tin mas frusto cu e areanan cu no ta mira Tera. E ta kere cu e proceso aki ta tumando luga riba Luna pa biyonnan di aña.
