Durante henter e luna di september y specificamente riba dia 21, ta conmemora Dia Mundial di Alzheimer, un evento di Organisacion Mundial di Salud cu e obhetivo di conscientisa tocante e malesa aki y tambe e consecuencianan social y di salud cu ta trece cune.
Desde 1994, Organisacion Mundial di Salud y Federacion Internacional di Alzheimer a establece dia 21 di september e cual ta busca pa difundi informacion tocante e malesa aki pa asina genera un conocemento mas grandi di esaki, conscientisa e poblacion y pa esnan cu ta sufri di esaki atende gruponan di sosten.
Alzheimer ta un malesa progresivo y degenerativo di celebro cu ta causa deterioro di memoria, pensamento y comportacion. E ta considera e demencia mas comun y su causa no ta conoci. E demencia aki por lo general ta sosode den tres fase.
E prome ta desaroya pa aproximadamente tres aña, den cua ta observa un deterioro gradual den memoria, e persona ta lubida sucesonan recien, sin importa si 10, 15 of 20 minuut a pasa for di e suceso ey.
Den e di dos etapa, tur aspecto di memoria progresivamente ta cuminsa faya. Problemanan cu idioma, funcionnan siña caba y reconocemento ta cuminsa surgi.
Finalmente, den e di tres etapa, tin un deterioro amplio y marca di cada un di e facultadnan intelectual. E sintomanan celebral ta empeora, accentuando rigides di musculo y tambe resistencia na cambio di postura. Temblornan y atakenan epileptico por aparece.
Actualmente no tin tratamento of cura pa e malesa aki. Sinembargo, pa reduci e riesgo di sufri di dje, ta recomendabel pa realisa por lo menos 150 minuut di actividad fisico pa siman y sigui un dieta saludabel cu tiki vet, come fruta y berdura, como tambe consumi grano completo.
Pa esaki, Fundacion Alzheimer Aruba cu ta cumpliendo 21 aña ta anuncia su siman di cinta teel for di 21 te cu 29 di september.
Segun su presidente Melva Croes –Yanez a sigura nan ta mira ta cu asina cu un persona ta diagnostica “e no ta sirbi mas” cu e persona mester ta aisla of ta keda bao curatela mientras cu nan ta keda hende y su malesa a ponel’e cambia na unda ta ataca e persona y no e malesa.
E parti di medica un persona pa e keda “mas trankil” esey tampoco ta un manera digno di un pashent cu e syndroom aki.
Ta hopi probabel cu cada un di nos sea ta conoce un persona of tin un familiar cu ta sufri di alzheimer y esaki ta un malesa hopi dificil por lidia cune pasobra e ta atacha tambe e esencia di ken e persona ta, su experiencianan cu sernan stima y cu e creencianan cu a form’e como individuo, e memoria di su propio persona ta disolve cu un bay bin di biento.
