Cu retiro di parlamentario di MEP, Sue-Ann Ras, pueblo ta specula kende lo por sinta riba su stoel den Parlamento. Entre e candidatonan mas popular ta Luigi Bergen, consehero di Minister Chris Romero. Sinembargo, un suceso recien a resulta den suspension di Bergen, poniendo den duda su futuro cu e partido.
Segun un relato di e medio local 24ora, un relacion amoroso entre Bergen y un colega, esta hurista Grabela Brito, a resulta den problemanan tanto na cas di Bergen, como na ministerio. E problema lo a cuminsa ora cu riba rednan social, casa di Bergen a publica varios asunto, cual ta considera ta pinta Bergen como no apto pa su posicion como consehero principal di Minister di Transporte, Telecomunicacion y Sector Primario.
Den su post riba Facebook, Bergen Kock ta acusa Luigi Bergen di maltrato domestico, entre otro acusacion serio. Mirando e controversia, segun e relato, Romero a suspende, tanto Bergen, como Brito inmediatamente. Esaki, segun e reporte, pa motibo cu e publicacionnan di Bergen Kock ta mustra un impresion completamente contrario na locual Romero, y en general gobierno, ta prefera.
