Tur cos ta indica cu Luigi Bergen lo drenta parlamento como miembro nobo di e fraccion di MEP, despues cu parlamentario Sue Ann Ras a dicidi di presenta su renuncia for di organo legislativo.
Bergen kende a wordo suspendi for di ministerio di e mandatario Chris Romero, debi na un incidente personal, ta esun cu ta riba lista di partido MEP pa bira e proximo parlamentario. Premier Wever-Croes a sigura ayera cu Bergen cu ‘tur probabilidad lo asumi e funcion.’
A base di e peticion cu directiva di partido MEP a haci na su persona, Parlamentario Ras lo keda asumi e funcion aki te culminacion di aña parlamentario. Prome cu apertura di aña parlamentario nobo, dia 10 september awor, Prome Minister bistiendo su pechi como lider di partido geel, a bisa cu pa e fecha aki, nan mester por keda cla cu e reemplaso di parlamentario Sue Ann Ras. Asina cu nan lo keda cla, nan lo duna e informacion tambe na comunidad.
