E militar di e estado Islamico ta luchando desespera pa afera na e ultimo torso di teritorio cu tin na e canto di e riu na Syria. Nan ta moviendo franco tirado, misilnan guia y atake sorpresa na e tunnel.
E resistencia a provoca un golpi fuerte diadomingo pa parti di coalicion lidera pa Merca y nan aliado di tera na su ultimo esfuerso pa caba cu e control teritorial di e grupo ‘extremista’.
Huma preto tabata rond di e teritorio cu ainda ta controla pa e grupo di aldea di Baghouz, despues di cu atake aereo a yega na varios obhetivo. E grupo ainda ta un menasa. Pelea global contra e grupo Islamico ta un conflicto di un pais cu ta den guera civil pa casi 8 aña.
Cerca di provincial di Idlib, un grupo di yihadista Syrio ta involucra cu al-qaida cu a mata un 21 soldaat Syrio y militar aliadol. E atake di diadomingo di e combatiente di Ansar al-Tawhid a hiba na cabo na aldea di Massasneh, na e norte di e provincial di Hama, segun e observatorio Syrio di e derecho humano cu sede di Inglatera.
Un declaracion di e ministerio di relacion di exterior di Syria a confirma cu atake bisando cu ‘grupo di terorista’ a lansa un atake cu plan di antemando contra e forsa arma cu ta staciona na e caminda principal di Massasneh, matando y heridando varios soldaat. “Syria ta confirma pleno disposicion y integridad di ehercito di Syria pa enfrenta crimen y violacion”, segun e declaracion.
