Louisiana ta ofreciendo premio cash pa provee bina pa testnan di malesa fatal

(AP) – Cazadornan di bina na Louisiana por cualifica pa gana 1,000 dollar si nan tin y entrega e cabes di un madura di cola blanco, pa asina nan por haci test riba esaki pa un enfermedad mortal yama Chronic Wasting Disease.

Taxidermistanan den e estado por haci e mesun trabao aki y gana un rifa di 500 dollar, cu permiso di e persona cu a casa e bina, e Louisiana Department of Wildlife and Fisheries a bisa den un relato di prensa.

Chronic Wasting Disease semper ta fatal den bina, elk of moose, pero e por tuma entre 16 luna pa 4 aña pa e prome sintomanan aparece. E Centers for Disease Control and Prevention a bisa cu cientificonan no sa si e por infecta ser humano, pero e agencia ta recomenda contra come e animalnan infecta.

Te ainda no a haya e malesa den Louisiana, pero tur 3 estado den bisindario, Texas, Arkansas y Mississippi, ta entre e por lo menos 2 estado unda cu si a haya e malesa aki.

E departamento kier test bina cu a caza den e temporada di aña 2021 pa 2022.

Cabes, cu of sin cacho, pero cu por lo menos 5 inch di e nek por ser hiba na e departamento regional di Hammond, Lafayette, Lake Charles, Minden, Monroe y Pineville, entre 8am te cu 4pm.

Un test nobo cu ta usa muestra tuma di e nervio den e bina su horea y cu por hasta ser usa den animalnan bibo ta pasando den proceso di test na Montana.

Detaye tocante e preparacion di e muestranan ta disponibel riba e departamento su website, pa e personanan cu kier participa den e rifa of haya mas informacion tocante e testnan cu ta usa na Merca.

Ambos rifa lo caba dia 18 di maart otro ana. E sucursal di South Lousiana Branch of the National Deer Association ta dunando e fondo pa por entrega e premionan pa e causa medico aki.

Mescos cu Mad Cow y su version humano, e malesa yama CreutzfeldtJakob, Chronic Wasting Disease ta un malesa cu ta kere ta causa pa proteinanan mal forma cu yama ‘prions’, cual ta crea buraco den e animal infecta su cerebro.

E Centers for Disease Control and Preventionta bisa cu e cientificonan te ainda no a haci conexion entre e consumo di un bina, elk of moose infecta. Sinembargo, un brote di CreutszfeldtJakob den Britania den aña 1992, a keda conecta na e consumo di un animal infecta cu e Mad Cow Disease, cual ta e version di e malesa aki cu ta presenta den animal. Di aki e preocupacion ta bini, e posibilidad cu e malesa aki por pasa di e bestia infecta na un ser humano, y crea un version cu si ta presenta den hende humano pa medio di e consumo di un bestia infecta.

E sintomanan ta inclui perdida di peso, creacion di slijm excesivo, rascamento di djente contra otro, temblamento di man, dificultad pa guli, sed excesivo, mal coordinacion, cay inconsciente y falta di atencion.